Bha na Hiortaich a’ bruidhinn Gàidhlig. Bha cuid de dh’ fhaclan nach robh air an cleachdadh ach ann a’ Hiort a-mhàin. Bha cuid dhiubh sin co-cheangailte ri sealg nan eòin-mhara. Mar eisimpleir:

- lon – ròp airson sreap, air a dhèanamh le stiallan de sheice air am fighe còmhla

- mogais – acair, air a dhèanamh le clachan troma ann am poca de sheice ròin

- crathadh – an dòigh àbhaisteach air eun a mharbhadh le car a chur na amhaich

- faire – a’ gèard air an oidhche. Bhiodh aodach dorch air sealgair le pìos de dh’ aodach geal fo smiogaid. Bha e mar seo a’ toirt a chreidsinn air na coltraichean gur e coltraiche a bh’ ann fhèin airson gum beireadh e orra.