’S e togalaichean beaga cloiche, coltach ri seadaichean beaga, a tha sna cleitean. Tha clach mhòr, chòmhnard, le ùir is sgrathan air a h-uachdar, orra airson mullach Tha na ballachan air an dèanamh de chlachan le beàrnan beaga eatorra.Tha seo a’ ciallachadh gum faigh a’ ghaoth tromhpa agus tha sin a’ cumail nan rudan a tha nam broinn tioram agus fionnar. Ann an àite mar Hiort, sa bheil gaoth gu leòr, tha iad dìreach math fhèin!
Bha na Hioratich gan cleachdadh airson a bhith a’ stòradh eòin-mhara mharbha (airson an ithe), uighean, itean is bàrr agus, cuideachd airson mòine agus sgrathan (a bha iad a’ cleachdadh mar chonnadh). Tha mu 1,260 dhiubh ann a’ Hiort.

An-diugh, tha iomadh eun a’ fuireach sna cleitean, mar luaireagan agus gobhlain-mhara. Tha fuaim gu math annasach aca sin.