’S e dreathan donn Hiort fear dhe na h-eòin as inntinniche ann a’ Hiort. Tha e eadar-dhealaichte on dreathan donn a tha a’ fuireach air tìr-mòr Bhreatainn. Tha dreathan donn Hiort beagan nas truime, le sgiathan a tha beagan nas fhaide agus le gob agus casan a tha nas fhaide agus nas tighe na an dreathan donn air tìr-mòr. Tha e nas soilleire agus tha barrachd shrianagan air. Chan eil an ceilearadh aige buileach an aon rud agus tha na h-uighean aige nas motha agus nas truime. Dh’fhaodadh gu bheil na rudan sin a’ cuideachadh dreathan donn Hiort a bhith beò ann an àite fliuch, gaothach mar Hiort.