Chan eil ach 44 tuineachadh shùlairean air an t-saoghal agus tha Hiort fada nas motha na gin dhiubh. Tha an còigeamh cuid de shùlairean a’ chinn a tuath a’ neadachadh ann am Boraraigh, Stac an Àrmainn agus Stac Lì ann an tuineachaidhean mòra, uabhasach. Tha 60,428 pàidhear a’ gintinn ann (dùblaich sin airson àireamh nan eòin)!
Carson a tha iad a’ taghadh a bhith a’ fuireach cho faisg air a chèile? Tha sinn dhen bheachd gur e aon adhbhar na tha de bhiadh ri fhaotainn faisg air làimh. Tha iasg gu leòr sa mhuir timcheall Hiort!
Bidh sùlairean a’ daoibheadh airson iasg agus gibearnaich a dh’ itheas iad agus bidh iad a’ bualadh san uisge aig faisg air 100 cilemeatair san uair. Mar sin, tha na claiginn aca uabhasach tiugh agus tha iad gan dìon dìreach mar chlogadan.