Tha thu an seo: A’ tadhal air Hiort A’ tadhal air Hiort Riaghailtean do Shoithichean (Ann am Beurla) Comhairle do Luchd-Tadhail (Ann am Beurla) Bàtaichean Cùmhnant A’ tadhal le iacht A’ tadhal le heileacoptair Buidhnean-Obrach
Chan eil e furasta faighinn a Hiort, ach tha barrachd air aon dòigh ann. Tòisichidh a’ chuid as motha de chuairtean anns na h-Eileanan Siar. Ma tha thu airson barrachd fhaighinn a-mach mu’n sgìre inntinnich seo agus do chuairt a chur air dòigh, feuch gun tadhail thu air www.culturehebrides.com Mar as trice gheibh luchd-tadhail a Hiort air fear dhe na dòighean a leanas:	Droch mhuir a’ tighinn timcheall an Dùin à Bàgh a’ Bhaile Dealbh: Rohan Holt
Bàtaichean cùmhnant    (brùth an seo airson liosta de bhàtaichean (Ann am Beurla)) Tha na bàtaichean seo a’ falbh à iomadh port, Malaig agus an t-Òban nam measg. Bu chòir dhut fios a chur chun a’ chompanaidh airson fiosrachaidh mu phrìsean is amannan seòlaidh. Tha ùine na bhòidse an urra ris an t-sìde agus ris an làn, agus an seòrsa bàta a tha ann. Bheir soitheach-einnsein co-dhiù mu 14 uairean a’ dol a Hiort às an Òban. ’S dòcha nach toir e ach mu 8 às na h-Eileanan Siar.
Soitheach-còrsachaidh ann am Bàgh a’ Bhaile Dealbh: Taighean Tasgaidh Ghlaschu
A’ tadhal le iacht Faodaidh daoine a dhol a Hiort air an ceann fhèin’s dòcha ann am bàta no iacht. Tha e feumail ma chuireas daoine fios chun an Urrais le na planaichean aca, gu h-àraidh na h-uairean tighinn is falbh. Urras Nàiseanta na h-Alba Stìuiriche nan Eilean Siar Taigh Bhaile an Fhàin 40 Sràid Hùnndaidh Inbhir Nis IV3 5HR Fòn: 01463 232 034 PUINGEAN CUDROMACH: Ma tha thu air a chur air dòigh a dhol a Hiort, feumaidh tu innse do dh’Urras Nàiseanta na h-Alba, Taigh Bhaile an Fhàin, 40 Sràid Hunndaidh, Inbhir Nis, IV3 5HR agus cuiridh iadsan fios chun an neach-ghlèidhidh. Chan eil àite fuirich air an eilean ach làrach-champachaidh bheag nach gabh ach sianar. Gheibhear fiosrachadh mu ghlèidheadh agus na h-amannan a tha e saor on oifis gu h-àrd. Chan fhaodar coin (no beathaichean calla eile) a thoirt dha na h-eileanan. Bu chòir dhan h-uile duine innse dhan neach-gleidhidh nuair a ruigeas iad. Feuch gun tadhal Dimàirt no Dihaoine oir bidh am bathar a’ tighinn.
A’ tadhal le heileacoptair Chan eil sinn geur air daoine tighinn ann a’ heileacoptair air sgàth cho frionasach ’s a tha àitichean nan eòin timcheall nan eilean agus ’s ann glè ainneamh a bheirear cead. Tha cunnart ann bualadh ann an eòin agus cuideachd tighinn a-steach air sgìre dearbhaidh làmhachais. Ged a tha heileacoptair a’ toirt bathair chun an ionad QinetiQ, tha riaghailtean teann ann mun t-slighe a ghabhas i.
Buidhnean Obrach Tha na buidhnean obrach aig Urras Nàiseanta na h-Alba air a bhith a’ gabhail an turais a Hiort o chionn leth cheud bliadhna. ’S e saor-làithean le obair gu leòr a tha sna buidhnean obrach agus bidh daoine an sàs ann an obair glèidhteachais riatanach; ’s dòcha a’ càradh nam ballachan cloiche, a’ càradh an tughaidh air na taighean, a’ glanadh dhrèanaichean agus a’ peantadh cho math ri bhith a’ cuideachadh a’ ruith an eilein o latha gu latha. ’S àbhaist dha na buidhnean obrach a bhith air an eilean eadar an Cèitean agus an t-Iuchar. Bidh neach-treòrachaidh eòlach os cionn gach buidheann, a’ stiùireadh na h-obrach agus a’ toirt comhairle mun obair a tha ri dhèanamh; tha còcaire ann a bhios a’ deasachadh a’ bhìdh fhad ’s a tha na buidhnean air an eilean. Chaidh sia taighean air Sràid a’ Bhaile, a thogadh bho thùs sna 1860an, a leasachadh agus thathar gan cleachdadh mar àiteachan-fuirich, stòradh agus taigh-tasgaidh beag.
Bidh iomadh seòrsa duine sna buidhnean obrach – tha cuid a’ coimhead airson saor-làithean le obair glèidheachais eadar-dhealaichte, tha ùidh aig cuid eile sna h-eòin-mhara a th’ ann a’ Hiort agus tha feadhainn dìreach airson greiseag a chur seachad air an eilean. Thar nam bliadhnachan tha ceudan dhed leithid fhèin air a bhith an sàs ann am buidheann obrach ann a’ Hiort. Chan eil feum air sgilean sònraichte sam bith, ach feumaidh tu bhith fiot agus spòrsail. Faodaidh duine sam bith eadar 18 is 75 bliadhna a dhol ann. Airson tuilleadh fiosrachaidh is beachdan o fheadhainn a bha an sàs ann am buidheann obrach, brùth an seo. Ma tha ùidh agad ann an obair shaor-thoileach no cothrom obrachadh sna saor-làithean ann an àitichean eile le Urras Nàiseanta na h-Alba, theirig gu www.thistlecamps.org.uk no www.ntslocalgroups.org.uk.	Buidheann obrach a’ cur mullach ùr air taigh 6 ann an 1989 Dealbh: Taighean Tasgaidh Ghlaschu
BUIDHNEAN OBRACH HIORT 2008 Bidh trì buidhnean obrach glèidhteachais a’ ruith ann 2008 eadar an16mh dhen Chèitean agus an 27mh dhen Ògmhios. Ma tha thu airson tagradh a dhèanamh, cuir SAE gu: (Cosgaidh cèis A5 £0.34 no £0.24 agus meud cèise sam bith eile £0.48 no £0.40) Co-òrdanaiche Bhuidhnean Obrach Hiort Urras Nàiseanta na h-Alba Taigh Bhaile an Fhàin 40 Sràidh Hunndaidh Inbhir Nis IV3 5HR Fòn: 01463 232 034 No luchdaich a-nuas am foirm an seo an seo agus cuir e chun an t-seòlaidh gu h-àrd Tuilleadh fiosrachaidh a dhìth? - brùth an seo. ’S 1d An Gearran an latha mu dheireadh airson tagradh a chur a-steach. Gheibh an fheadhainn a bhios soirbheachail fios ro 1d Am Màrt. Feuch gum pàigh thu a' phostachd cheart airson nam foirmean tagraidh. Mar bhuidheann carthannais, cha ghabh Urras Nàiseanta na h-Alba ri càil air am feumar cìs postachd a bharrachd a phàigheadh.